სტამბოლის ტერაქტთან შესაძლო კავშირის გამო დაკავებულებს შორის არიან დაღესტნის, ყირგიზეთისა და ტაჯიკეთის წარმომადგენლები.

ამის შესახებ, თურქული ტელეკომპანია NTV-ის ცნობით, თურქეთის პრეზიდენტი რეჯეპ ტაიპ ერდოღანი აცხადებს.

მისი თქმით, გამოძიება კვლავ დარწმუნებულია, რომ ტერაქტი ექსტრემისტული დაჯგუფება „ისლამური სახელმწიფოს" ორგანიზებულია.

„დაპატიმრებული პირების რაოდენობამ 30 შეადგინა. ამ დაკავებებმა შესაძლოა, ბევრ რამეს მოჰფინოს ნათელი.  ხედავთ, რომ დაკავებულებს შორის არიან დაღესტნის, ყირგიზეთისა და ტაჯიკეთის მკვიდრნი", - განაცხადა ერდოღანმა.