ქაშვეთის ტაძარში კონტროლის პალატის ყოფილი ხელმძღვანელის სულხან მოლაშვილის სამოქალაქო პანაშვიდი მიმდინარეობს.

პანაშვიდზე ამ წუთებში სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მიბრძანდა. 

პანაშვიდს ესწრებიან საქართველოს პრემიერ-მინისტრი გიორგი კვირიკაშვილი და ვიცე-პრემიერები დიმიტრი ქუმსიშვილი და კახა კალაძე. პანაშვიდზე ასევე იმყოფებიან მინისტრები და საქართველოს პარლამენტის წევრები.

სულხან მოლაშვილს საბურთალოს სასაფლაოზე დაკრძალავენ.

კონტროლის პალატის ყოფილი ხელმძღვანელი 46 წლის ასაკში 29 ივნისს გარდაიცვალა.