მალიში, ქალაქ დუენცას მახლობლად ავიაიერიშის შედეგად საქორწინო ცერემონიის 20 მონაწილე გარდაიცვალა. ამის შესახებ ადგილობრივი მედია წერს.

ავიაიერიში 4 იანვარს ამოუცნობმა თვითმფრინავმა განახორციელა. სავარაუდოდ, ტრაგიკული ინციდენტის მიზეზი სამხედრო მფრინავების შეცდომა გახდა.

მალიში სამხედრო ავიაცია ჰყავს ადგილობრივ შეიარაღებულ ძალებს, გაეროს მშვიდობისმყოფელებს (MINUSMA) და ფრანგ სამხედროებს, რომლებიც ქვეყანაში ოპერაცია „ბარხანს“ ატარებენ.