ინდონეზიაში Boeing 737-ის ტიპის სამგზავრო თვითმფრინავი რადარებიდან გაქრა. ავიაკომპანია „Sriwijaya Air“-ის თვითმფრინავის ბორტზე, რომელიც ჯაკარტადან ქალაქ პონტიანაკის მიმართულებით მიფრინავდა დაახლოებით 50-ზე მეტი ადამიანი იმყოფებოდა. ინფორმაციას ამის შესახებ BBC ავრცელებს.

თვითმფრინავი რადარებიდან აფრენიდან 4 წუთის შემდეგ გაქრა.

არსებული ინფორმაციით, თვითმფრინავი ბოლოს კუნძულ იავასთან, იავის ზღვის აკვატორიის თავზე დააფიქსირეს.

ინდონეზიის ტრანსპორტის სამინისტროს განცხადებით, მიმდინარეობს სამძებრო-სამაშველო სამუშაოები.