დიდ ბრიტანეთში გასული 24 საათის განმავლობაში „კოვიდ-19“ 54 940 ადამიანს დაუდასტურდა, ვირუსით 563 პაციენტი გარდაიცვალა. ინფორმაციას გამოცემა „გარდიანი“ ავრცელებს.

ქვეყანაში გასული დღე-ღამის განმავლობაში 4 066 პაციენტი იქნა ჰოსპიტალებული.

„გარდიანის“ ინფორმაციით, ბრიტანეთის სასწრაფო სამედიცინო დახმარების სამსახური „უპრეცედენტო ზეწოლის ქვეშ არის“.

პანდემიის დაწყებიდან დღემდე დიდ ბრიტანეთში ვირუსის სამ მილიონზე მეტი შემთხვევაა გამოვლენილი, მათ შორის 81 000-ზე მეტი ადამიანი გარდაიცვალა.

https://1tv.ge/news/britanetshi-gasul-24-saatshi-koronavirusis-54-940-shemtkhveva-gamovlinda-gardaicvala-563-pacienti/