საქართველოს კულტურისა და ძეგლთა დაცვის სამინისტროს მხარდაჭერით, სოფელ ერგნეთში, გამყოფ ხაზთან მოეწყო ქართველი და ოსი მხატვრების ნამუშევრების გამოფენა; ასევე წარმოდგენილი იყო საოჯახო ალბომებში დაცული ქართულ-ოსური ურთიერთობების ამსახველი ფოტომასალა; გაიმართა კონცერტი, რომელზეც ქართული და ოსური სიმღერები შესრულდა.

ღონისძიება განხორციელდა ორგანიზაცია „კავკასიური მოზაიკის" მიერ.

ღონისძიებას დაესწრნენ გორის, ლაგოდეხის და ახმეტის რაიონის სოფლების მცხოვრებლები, სამთავრობო და არასამთავრობო ორგანიზაციის წარმომადგენლები, სტუმრები დედაქალაქიდან.