რუსეთი ფინეთის, ვიეტნამის, ინდოეთისა და კატარის დედაქალაქებთან ფრენებს ანახლებს, - მედიის ინფორმაციით, შესაბამისი გადაწყვეტილება რუსეთის კორონავირუსთა ბრძოლის ოპერატიული შტაბის სხდომაზე მიიღეს.

მათივე ინფორმაციით, პანდემიის დაწყების პირველ კვირებში შეწყვეტილი ავიამიმოსვლა აღნიშნულ 4 ქვეყანასთან 27 იანვრიდან აღდგება.

რუსეთის ხელისუფლებაში განმარტავენ, რომ ფინეთის, ვიეტნამის, ინდოეთისა და კატარის ეპიდსიტუაცია ფრენების აღდგენისთვის საჭირო კრიტერიუმებს აკმაყოფილებს. კერძოდ, ამ ქვეყნებში, ყოველ 2 კვირაში, ყოველ 100 000 მოსახლეზე ინფიცირების 40-ზე ნაკლები შემთხვევა ფიქსირდება.

https://www.interpressnews.ge/ka/article/637763-ruseti-otx-kveqanastan-sahaero-mimosvlas-anaxlebs