მერაბ შათირიშვილის სოციალურ ქსელში სტატუსს აქვეყნებს და აღნიშნავს, რომ ქვეყანა მედროვეების გამო სამოქალაქო დაპირისპირების წინაშე დგას.

„საქართველო ურცხვობით დაიღუპება, ყველგან ურცხვი, შუბლში ძარღვ გაწყვეტილი მედროვეები ჩანან, ერთხელ გააკრიტიკებენ  (თითქოს უასამართლობას ვერ შეურიგდნენ), თუნდაც სისხლისმსმელი სისტემის შემქმნელებს და, მერე ახალ პარტიებს ქმნიან, აქაოდა სისხლისმსმელი სისტემის ფუძემდებლები თავად არ არიან!..

გაივსო ურცხვი მედროვეებით საქართველო, გაივსო მმართველი პარიაც  „ქართული ოცნება", იმ ფასიანი პატრიოტებით, თავის დროზე ნაცების „გამეფებისთვის" ენა და ფეხები გადატყავებული რომ ჰქონდათ, მერე ნაცებს უგანეს და ახლა ბ-ნ ივანიშვილის გარშემო ფუსფუსებენ და ჩურჩულებენ, ქვეყნისთვის დამღუპველ ბევრ რჩევას იძლევიან და წყალს ამღვრევენ, იქნებ თევზი დავიჭიროთო და, იჭერენ კიდეც...

ნაცები განიტოტენ ყველგან: პარტიებად გაიშალენ და „ქართულ ოცნებაშიც" ეფექტურად შეაღწიეს...

დამნაშავენი - ურცხვი მედროვეები გახდნენ!..

ჩვენ, ვერ გაგვირჩევია ღირსეული უღირსისაგან!..

ჩვენ, ვერ გაგვირჩევია ფასიანი პატრიოტი - უანგაროსაგან!..

ჩვენ, ვერ გაგვირჩევია შუბლშიძარღვგაწყვეტილი სინდის-ნამუსიანისგან!..

ვერ გაგვირჩევია?..

ამიტომაც ვართ ამ დღეში, რა დღეშიც ვართ და, თუ ვინმე ფიქრობს, სამოქალაქო დაპირისპირების წინაშე არ ვდგავართ, ძალიან ცდება და ცრუიმედებით ცხოვრობს!.."