კომპანია „შტადლერის" ორსართულიანი მატარებლები უკვე თბილისშია. „საქართველოს რკინიგზის" ცნობით, უკვე 2 მატარებელია ჩამოსული.

უახლოეს პერიოდში საქართველოში ჩამოდიან შვეიცარიელი სპეციალისტები, დაიწყება მოსამზადებელი სამუშაოები, სატესტო გარბენები, რის შემდეგაც, მატარებლები ექსპლუატაციაში გაეშვება.

მანამდე კომპანიაში პრეზენტაციაც არის დაგეგმილი. ყველა ორსართულიანი მატარებელი, თბილისიდან შავი ზღვის მიმართულებით იმოძრავებს. ოთხივე მატარებლის შესაძენად კომპანიას 39 მილიონ 800 ათასი ევრო აქვს გათვალისწინებული.