პირველი თებერვლიდან ბათუმში მუშაობას განაახლებენ მუნიციპალური ავტობუსები და საქალაქო მარშრუტებზე მოძრავი მიკროავტობუსები. ბათუმის მერიის ინფორმაციით, სატრანსპორტო საშუალებებს სადეზინფექციო სამუშაო უკვე ჩაუტარდა და სპეციალური ხსნარით დამუშავდა მუნიციპალური ავტობუსების მოსაცდელები.

„სადეზინფექციო ღონისძიებები ტრანსპორტში ყოველდღიურ რეჟიმში განხორციელდება“, - აცხადებენ ადგილობრივ მერიაში.

მუნიციპალურ ავტობუსებში ასევე განთავსებულია დისპენსერები, ხოლო ელექტროავტობუსებში დამატებით, - თერმოსკრინინგის აპარატები.

ავტობუსები ქალაქში ორშაბათიდან პარასკევის ჩათვლით, 07:00-დან საღამოს 21:00 საათამდე, მიკროავტობუსები კი, დილის 08:00 საათიდან საღამოს 20:00 საათამდე იმოძრავებს. საზოგადოებრივ ტრანსპორტში პირბადის გარეშე ასვლა და ფეხზე დგომით მგზავრობა აკრძალულია.

წყარო :