სპეციალურად NATO-ს სამიტისთვის ქართულმა მხარემ ჩამოასხა ქართული ღვინო, შესაბამისი ეტიკეტით, ვარშავის სამიტის სიმბოლოთი.

პოლონეთში საქართველოს ელჩის ნიკოლოზ ნიკოლოზიშვილის განცხადებით, ამ ღვინით პოლონეთის თავდაცვის მინისტრი გაუმასპინძლდება NATO-ს თავდაცვის მინისტრებს.

„ქართული ღვინო საჩუქრებად დარიგდება სამიტზე და წარმოდგენილი იქნება ორმხრივ შეხვედრებზე", - განაცხადა ელჩმა.

8-9 ივლისს ვარშავის ცენტრში მდებარე ეროვნულ სტადიონზე NATO-ს სამიტი გაიმართება. ჩრდილოატლანტიკური ალიანსის სამიტში 58 ოფიციალური დელეგაცია მიიღებს მონაწილეობას.

სამიტს დაახლოებით 2500 დელეგატი დაესწრება.

წყარო :