პოეტი ჯანსუღ ჩარკვიანი დიდგორის ველზე „ნაციონალური მოძრაობის" მიერ ყრილობის ჩატარებას ეხმაურება. „რეპორტიორთან" საუბარში იგი ამბობს, რომ მისთვის ძალიან გასაკვირია ნაციონალების ეს გადაწყვეტილება.

„ნაციონალურ მოძრაობას" წესით, არაფრის უფლება არ უნდა ჰქონდეს. დიდგორის ველი ყრილობის ჩასატარებლად რატომ აირჩიეს, ჩემთვის ძალიან გასაკვირია. შეიძლება, არც იციან, რა არის დიდგორი, რა შინაარსობრივი დატვირთვა აქვს, რა ხდებოდა დიდგორში, მაგრამ თუ იციან და მაინც აპირებენ ყრილობის იქ გამართვას, მაშინ ეს უკვე საშინელებაა. საერთოდ, ვერ გავიგე, რა შუაშია „ნაციონალური მოძრაობა" და დიდგორი ერთმანეთთან", - განაცხადა ჯანსუღ ჩარკვიანმა.