- +

 

 

საქართველო იმ 7 ქვეყანას შორისაა, რომლებიც Covid-19-ის საწინააღმდეგო ვაქცინით აცრილი მოგზაურებისთვის საზღვრებს გახსნიან. ამის შესახებ CNN-ის მიერ გავრცელებულ ინფორმაციაშია აღნიშნული.

 

გამოცემის ცნობით, კორონავირუსის პანდემიამ ტურისტული ინდუსტრია მნიშვნელოვნად დააზარალა, ამიტომაც ქვეყნები მათ ყველაზე დაუცველ მოქალაქეებს ვაქცინებს აქტიურად უკეთებენ. დიდმა ბრიტანეთმა უკვე აცრა 15 მილიონზე მეტი ადამიანი, ხოლო აშშ ამჟამად 1,6 მილიონ აცრას ატარებს დღეში.

 

დანიამ გამოაცხადა, რომ გეგმავს კორონავირუსის ციფრული პასპორტის გამოშვებას თებერვლის ბოლოს, რომელიც იმოქმედებს როგორც დოკუმენტაცია და აჩვენებს, რომ მფლობელს Covid-19– ის წინააღმდეგ აცრა გაკეთებული აქვს.

 

აქ არის შვიდი ადგილი, რომელიც Covid-19-ის საწინააღმდეგო ვაქცინით აცრილი ტურისტებისთვის ხელახლა იხსნება.

 

1)კვიპროსი

 

 

დეკემბერში კვიპროსი გახდა პირველი ადგილი, რომელმაც განაცხადა, რომ მოგზაურებს, რომელთაც ვაქცინა აქვთ გაკეთებული, კარანტინის გარეშე მიიღებს. გარდა ამისა, ტურისტები, რომლებიც დაადასტურებენ, რომ Covid-19 ვაქცინის ორივე დოზა მიიღეს, ქვეყანაში შესვლას PCR ტესტის უარყოფითი შედეგის გარეშე შეძლებენ.

 

2) ესტონეთი

 

 

 

ესტონეთში ამჟამად 10-დღიანი კარანტინი სავალდებულოა კორონავირუსის მხრივ სარისკო ევროპული ქვეყნებიდან ჩასული მოგზაურებისთვის. ეს ქვეყნებია – ბულგარეთი, ისლანდია და ნორვეგია, ასევე, საჭიროა PCR-ის უარყოფითი ტესტის დადასტურება ჩასვლიდან სამი დღის განმავლობაში.

 

3) საქართველო

 

 

საქართველომ, რომელიც აზიასა და ევროპას შორის გზაჯვარედინზე მდებარეობს, ასევე შეაჩერა შეზღუდვები სრულად აცრილი მოგზაურებისთვის.

 

საქართველოს საგარეო საქმეთა სამინისტრომ ცოტა ხნის წინ გამოაცხადა, რომ ყველა ვიზიტორს, ვინც ნებისმიერი Covid-19 ვაქცინის ორი დოზა მიიღო, ნებადართული აქვს ქვეყანაში შესვლა უარყოფითი PCR ტესტის გარეშე.

 

არავაქცინირებულმა მოგზაურებმა უნდა წარმოადგინონ PCR ტესტის უარყოფითი შედეგი 72 საათის განმავლობაში მოგზაურობიდან და ასევე მოეთხოვებათ მეორე ტესტის ჩატარება “საკუთარი ხარჯებით” მათი დარჩენის მესამე დღეს.

 

4) ისლანდია

 

 

1 მაისიდან, სრულად ვაქცინირებულ მოგზაურებს ევროკავშირის ქვეყნებიდან, ასევე ლიხტენშტეინიდან, ნორვეგიიდან და შვეიცარიიდან შეუძლიათ, ისლანდიაში ჩასვლისას არ გაიარონ კარანტინი და მათ არ მოეთხოვებათ უარყოფითი PCR ტესტის წარდგენა.

 

5) პოლონეთი

 

 

მოგზაურებს ევროკავშირის ქვეყნებიდან შეუძლიათ, მოინახულონ პოლონეთი სავალდებულო 10-დღიანი კარანტინის გავლის გარეშე “Covid-19- ის საწინააღმდეგო ვაქცინაციის დამადასტურებელი მოწმობის საფუძველზე”.

 

6) რუმინეთი

 

 

 

18 იანვრიდან, ყველა მოგზაურს, რომელიც რუმინეთში ჩადის იმ ნებადართული მიმართულებებიდან, სადაც კოვიდის აცრა სრულადაა ჩატარებული, კარანტინის გავლა არ უწევს.

 

7) სეიშელის კუნძულები

 

 

იანვარში, სეიშელის კუნძულები შეუერთდა დანიშნულების იმ ადგილებს, რომლებმაც კოვიდ-19-ის წინააღმდეგ აცრილი მოგზაურებისთვის კარანტინი გააუქმეს.

 

სრულად ვაქცინირებულ ვიზიტორებს ახლა საშუალება აქვთ, შევიდნენ შორეულ დანიშნულების ადგილზე, რომელიც მდებარეობს ტანზანიის სანაპიროებთან, 10-დღიანი კარანტინის გავლის გარეშე.

 

ამასთან, მათ, ვინც მიიღო Covid-19 ნებისმიერი ვაქცინის სრული კურსი, მაინც უნდა წარმოადგინონ PCR ტესტის უარყოფითი შედეგი, რომელიც გაკეთებულია მგზავრობის 72 საათის განმავლობაში, ასევე ცნობა მათი ჯანმრთელობის ეროვნული ორგანოსგან, რომლითაც დასტურდება, რომ ისინი სრულად არიან აცრილი.