საქართველოში ესტონეთის ელჩს პრიტ ტურკს რამდენიმე კვირაში უფლებამოსილების ვადა ეწურება. დიპლომატმა „კიბერ კვირასთან" ექსკლუზიურ ინტერვიუში რამდენიმე მნიშვნელოვან საკითხზე ისაუბრა, მათ შორის, საქართველოში კიბერუსაფრთხოების კუთხით განხორციელებულ რეფორმებზე და არსებულ გამოწვევებზე, ასევე NATO-საქართველოს არსებით პაკეტზე, ვაჭრობის, სოფლის მეურნეობისა და განათლების სფეროებზე.

ტურკის განცხადებით, ესტონეთი მხარს უჭერს საქართველოს ევროატლანტიკურ მისწრაფებას და იმედს გამოთქვამს, რომ ორ ქვეყანას შორის არსებული მეგობრული ურთიერთობები მომავალშიც გაგრძელდება.