სოფლის მეურნეობის მინისტრი ოთარ დანელია მარტვილში მომხდარ ტრაგედიას გამოეხმაურა და მწუხარება გამოთქვა.

უბედური შემთხვევა მარტვილის რაიონის სოფელ გაჭედილში სამი დღის წინ მოხდა. მაშველი 18 წლის ბიჭის გადარჩენას ცდილობდა, რომელიც მდინარეში საბანაოდ ხიდიდან გადახტა და ამოსვლა ვეღარ შეძლო. მაშველი ბიჭთან ერთად დაიღუპა.

„საკმაოდ დიდია ზარალი, რომელიც მიყენებულია აქვს რეგიონს. ჩვენ ახლა ვიმყოფებით აბაშაში, სადაც 1000 ჰექტრამდეა დატბორილი. როგორც ხედავთ, ანალოგიური მდგომარეობაა სენაკის სოფლებში, მარტვილში, სადაც სამწუხარო ამბავი მოხდა და მსხვერპლით დასრულდა ეს ყველაფერი. მობილიზებულია ყველა სამსახური, მათ შორის მელიორაცია", - განაცხადა დანელიამ.