გთავაზობთ მოძრაობა „ახალი რეალობისთვის" დამფუძნებლის მერაბ შათირიშვილის facebook-სტატუსს:

„რამდენიმე თვის წინ, გაზეთ „კვირის ქრონიკასთან" საუბარში ვთქვი, რომ „ქართული ოცნება" და კერძოდ მისი დამფუძნებელი, რესპუბლიკურ პარტიას 2016 წლის საპარლამენტო არჩევნებამდე 3-4 თვით ადრე გაემიჯნება, რადგან აზრი არ აქვს ერთიანობის რეჟიმში საარჩევნო კამპანიის წარმართვას: ცხადზე უცხადესია, არჩევნების შემდეგ „რესპუბლიკელებსა" და „ქართულ ოცნებას" პოლიტიკური „თანაცხოვრება" ისედაც არ უწერიათ და რა საჭიროა, ერთმა პარტიამ მეორე პარტიის ფინანსური რესურსითა და დარჩენილი რეიტინგით ისარგებლოს, როცა იმ დარჩენილ რეიტინგსაც „რესპუბლიკელებთან" კოალიციური ფორმატით არჩევნებში მონაწილეობისთვის გარკვეული საფრთხე ემუქრება, ხოლო გამიჯვნის შემთხვევაში, პირიქით, რეიტინგის გამყარება ელის?..

ვნახოთ, რამდენად გაჭრის „რესპუბლიკელების" „პროდასავლური" მუქარა და რამდენად ემორჩილება გარედან ზეწოლასა და თითის დაქნევას თავად „ქართული ოცნება", - წერს მერაბ შათირიშვილი.