უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძემ ჟურნალისტებს განუცხადა, რომ გიორგი მიქაუტაძის მიმართ შენიშვნები არ აქვს.

„შევისწავლე გიორგი მიქაუტაძის ბიოგრაფია, შევისწავლე მის მიმართ არსებული პრეტენზიები და ნამდვილად მივხვდი, რომ მას შეუძლია იყოს საქალაქო სასამართლოს ღირსეული თავმჯდომარე.

მთელ სასამართლოს გიორგი მიქაუტაძის მიმართ აქვს პოზიტიური დამოკიდებულება", - განაცხადა ნინო გვენეტაძემ.

რაც შეეხება მიქაუტაძესთან დაკავშირებით ადვოკატთა ასოციაციის თავმჯდომარის ბრალდებებს, ნინო გვენეტაძის განცხადებით, ეს საკითხი გადაწყვეტილია და რაიმე ბრალეულობა არ იკვეთება.