საფრანგეთის პრემიერ-მინისტრმა, ჟან კასტექსმა განაცხადა, რომ AstraZeneca-ს ვაქცინით აცრების გაგრძელებაა საჭირო.

„ამ ეტაპზე AstraZeneca-ს ვაქცინას უნდა ვენდოთ და ვაქცინაცია გავაგრძელოთ. წინააღმდეგ შემთხვევაში, ვაქცინაციის კუთხით შეყოვნება გვექნება, ფრანგები ნაკლებად დაცული იქნებიან და ჯანმრთელობის კრიზისი დიდხანს გაგრძელდება“, - აღნიშნა საფრანგეთის პრემიერ-მინისტრმა.

ჟან კასტექსმა ასევე განმარტა, რომ საფრანგეთში AstraZeneca-ს ვაქცინის გამოყენება იმიტომ არ შეჩერდა, რომ ამის საფუძველი არ არსებობს.

12 მარტს, ჯანმოს ევროპის რეგიონის წარმომადგენლობაში განაცხადეს, რომ ამ ეტაპზე არ არსებობს მტკიცებულება, რომ თრომბოემბოლია უშუალოდ AstraZeneca-ს ვაქცინით ვაქცინაციამ გამოიწვია.

მათივე განცხადებით, მტკიცებულებები მიუთითებენ, რომ დღემდე არ დადასტურებულა გარდაცვალების ერთი შემთხვევაც კი, რომელიც გამოწვეულია COVID-19-ის საწინააღმდეგო ვაქცინებით

წყარო :