თბილისის მერი დავით ნარმანია საარჩევნო პერიოდში ადმინისტრაციული რესურსის შესაძლო გამოყენების საკითხთან დაკავშირებით ოპოზიციის ბრალდებას გამოეხმაურა. მისი თქმით, არჩევნებზე ადმინისტრაციული რესურსის გამოყენებას ადგილი არ ექნება.

„ბიუჯეტში, ჯერ კიდევ საარჩევო შეზღუდვების დაწყებამდე, გათვალისწინებულია კონკრეტული პროექტები და პროგრამები. თანხა, რომელიც მიღებულია ბიუჯეტში, მოხმარდება ინფრასტრუქტურულ და სოციალურ პროექტებს. არჩევნებზე ადმინისტრაციული რესურსების გამოყენებას ადგილი არ ექნება. ამ ეტაპისთვის, რაიმე სახის ცვლილება დაგეგმილი არ არის. საპარლამენტო არჩევნების შემდგეგ, რაც კანონმდებლობით გათვალისწინებული შეზღუდვები მოიხსნება, არსებულ ბიუჯეტში ვგეგმავთ გარკვეული კორექტირების შეტანას", - განაცხადა დავით ნარმანიამ.