დიდი ბრიტანეთის პრემიერ-მინისტრის თანამდებობას დევიდ ქემერონი 13 ივლისს დატოვებს.

გავრცელებული ინფორმაციით პრემიერ-მინისტრის თანამდებობას შინაგან საქმეთა მინისტრი ტერეზა მეი დაიკავებს.

მას შემდეგ, რაც დღეს ენერგეტიკის მინისტრმა ანდრეა ლედსომმა თავისი კანდიდატურა მოხსნა, ტერეზა მეი კონსერვატიული პარტიის  თავმჯდომარისა და პრემიერის თანამდებობაზე ერთადერთი კანდიდატი გახდა.

დიდი ბრიტანეთის ახალმა პრემიერ-მინისტრმა ქვეყნის ევროკავშირიდან გასვლის პროცედურა უნდა დაიწყოს.