შერიგებისა და სამოქალაქო თანასწორობის საკითხებში სახელმწიფო მინისტრის პოსტიდან პაატა ზაქარეიშვილის გადადგომის გამო, მინისტრის მოვალეობას ქეთევან ციხელაშვილი შეასრულებს.

„გუშინდელ დღემდე ვმუშაობდი ჩვეულებრივ რეჟიმში და ჩემი გათვლები იყო ისეთი, რომ ბოლომდე უნდა ვიყოთ. გუშინ შეიცვალა არსებითად ვითარება. რა თქმა უნდა, სხვადასხვა მოსაზრებები იყო, მაგრამ ვინაიდან არ იყო მკაფიოდ გამოკვეთილი პოზიციები, მე არავითარი უფლება არ მქონდა, რომ შემეყოვნებინა ჩემი ყოველდღიური საქმიანობა. დღეიდან დაიწყება უკვე მუშაობა, რათა გადავიტანო საკითხები სხვაზე. ალბათ, ჩემი პირველი მოადგილე იმუშავებს გარკვეული პერიოდი, შესაბამისად, მას ჩავაბარებ საქმეებს. არ მგონია, რომ ამას დასჭირდეს ძალიან დიდი დრო, მაქსიმუმ 10-12 დღე. ნებისმიერ შემთხვევაში ამ პერიოდში უნდა ჩავეტიო", - განაცხადა პაატა ზაქარეიშვილმა.