„„გირჩი“ საპარლამენტო არჩევნების შედეგებს აღიარებს“, - ამის შესახებ იაგო ხვიჩიამ „იმედის ფაქტორში“ განაცხადა.

„გირჩის“ ერთ-ერთი ლიდერი ასევე აცხადებს, რომ ოპოზიციამ „ქართული ოცნების“ მხრიდან არჩევნების გაყალბება ვერ დაამტკიცა, ბოიკოტის რეჟიმში მყოფთა ნაწილი კი კრისტიან დანიელსონის მედიაციით გამართულ მოლაპარაკებებზე დესტრუქციული იყო.

„მე ძალიან მაინტერესებს იმ 6 პუნქტიდან რაზე იყო წამსვლელი „ქართული ოცნება“ პირობითად და რაზე თქვა უარი ოპოზიციამ.

შეგვიძლია ჩამოვყვეთ ამას და მაყურებელს გავაგებინოთ, ვინ იყო სინამდვილეში დესტრუქტორი ან რამდენად სამართლიანი იყო ის პირობა, რაც „ქართულმა ოცნებამ“ ამ კრიზისის განსამუხტად წარადგინა.

მე უბრალოდ ვერ შევაფასებ ამას, რადგან ფიზიკურად არ ვიცი რაზე მოდიოდა „ქართული ოცნება“, რაზე არის ახლა თანახმა „ქართული ოცნება“ და რაზე უკრა მას ხელი ოპოზიციამ, რომლის ნაწილიც, დავეთანხმები ჩემს ოპონენტებს, არის დესტრუქციული“, - განაცხადა ხვიჩიამ.