ჩინეთის დედაქალაქს ბოლო ათწლეულის განმავლობაში ყველაზე მასშტაბური ქვიშის ქარიშხალი დაატყდა თავს. პეკინის მცხოვრებლებმა 28 მარტს სქელი მტვრის მასით დაფარულ ქალაქში გაიღვიძეს. ამის შესახებ გამოცემა Reuters წერს.

პეკინი მტვრის სქელი ფენითაა დაფარული. ადგილობრივი ხელისუფლების წარმომადგენლები მოსახლეობას სახლში დარჩენისკენ მოუწოდებენ.

გამოცემის ცნობით, ქალაქში ხილვადობა შემცირდა. ქვიშის ქარიშხლის გამო პეკინის მცხოვრებლებს ქუჩაში თვალებახვეული სიარული უწევთ.

პეკინის ჰაერის დაბინძურების ხარისხის ოფიციალურმა ინდექსმა მაქსიმალურ მაჩვენებელს 500-ს მიაღწია, PM10-ის სახელით მოძრავმა ნაწილაკებმა ზოგიერთ რაიონში 1 კუბურ მეტრზე 2000 მიკროგრამს გადააჭარბა.

ჩინეთში ქვიშის ქარიშხალი მონღოლეთის გობის უდაბნოდან შევიდა. მოვლენის გამო პეკინის ცამ არაბუნებრივი მოყვითალო-რუხი ფერი მიიღო, ჰაერის ხარისხი მკვეთრად გაუარესდა.

https://report.ge/world/chinets-qvelaze-masshtaburi-kvishis-karishkhali-daatqda-tavs/