ენერგეტიკის მინისტრი კახა კალაძე „ნაციონალური მოძრაობის" მიერ 6 მარტს „გაზპრომის" წინააღმდეგ დაგეგმილ აქციას გამოეხმაურა.

„მე მგონი, „ნაციონალურმა მოძრაობამ" შეცვალა თავისი ჩანაფიქრი. ახლა ევროპულ ქვეყნებში გადავიდნენ, რადგან თქვენ იცით, რომ ევროპას ძირითადად „გაზპრომი" ამარაგებს და „ნაციონალურმა მოძრაობამ" გააკეთა მობილიზაცია მთელი საქართველოს მასშტაბით. ისინი აპირებენ ევროპულ ქვეყნებში ჯაჭვის გაკეთებას", - განაცხადა კალაძემ.

„ნაციონალური მოძრაობა" 6 მარტს „გაზპრომის" წინააღმდეგ, მთავრობის ადმინისტრაციიდან რუსეთის საელჩოს შენობამდე ცოცხალი ჯაჭვის გაბმას გეგმავს.