აშშ-ის კაპიტოლიუმთან მომხდარი ინციდენტის შედეგად დაჭრილი პოლიციელი საავადმყოფოში გარდაიცვალა.

ამის შესახებ აშშ-ის კაპიტოლიუმის პოლიციის ხელმძღვანელმა განაცხადა.

ცნობისთვის, კაპიტოლიუმთან ავტომობილი პოლიციელებს დაეჯახა, რის შემდეგაც მძღოლი მანქანიდან გადმოვიდა და ერთ-ერთი პოლიციელი ცივი იარაღით დაჭრა.

სამართალდამცველებმა მას ცეცხლი გაუხსნეს.

ინციდენტის შედეგად, ორი პოლიციელი და ბოროტმოქმედი საავადმყოფოში გადაიყვანეს.

ამჟამად კაპიტოლიუმი და მიმდებარე ქუჩები ჩაკეტილია. ადგილზე ეროვნული გვარდია და პოლიციაა მობილიზებული.