ცოლისა და შვილის ძალადობის ფაქტზე დაკავებულ ბიზნესმენს დავით კოდუას აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლემ რომან ხორავამ გამოაცხადა.

დღევანდელ სასამართლო პროცესზე დაცვის მხარე კოდუას აღკვეთის ღონისძიების გარეშე დატოვებას, პროკურატურა კი პატიმრობის გამოყენებას მოითხოვდა.

გამოძიება სისხლის სამართლის კოდექსის 126¹-ე მუხლით მიმდინარეობს.

დავით კოდუას ოჯახი ითხოვს, რომ ბიზნესმენი გირაოს სანაცვლოდ გათავისუფლდეს და შემაკავებელი ორდერი გამოიწეროს.