საქართველოს პრეზიდენტმა გიორგი მარგველაშვილმა, დღეს, აჭარაში კონსულტაციები დაიწყო.

აჭარის ავტონომიური რესპუბლიკის მთავრობის მეთაურის კანდიდატურის წარდგენასთან დაკავშირებით, გიორგი მარგველაშვილი უმაღლესი საბჭოს ფრაქცია "ქართული ოცნება - დემოკრატიული საქართველოს", "ქართული ოცნება - თავისუფლების" და "ქართული ოცნება - აჭარას" თავმჯდოამრეებს შეხვდება.

შეხვედრაზე აჭარის ავტონომიური რესპუბლიკის თავმჯდომარის პოსტზე ზურა პატარაძის კანდიდატურის წარდგენის საკითხი განიხილება.

დღესვე დაგეგმილია ქვეყნის პირველი პირის კონსულტაციები აჭარის ავტონომიური რესპუბლიკის უმაღლესი საბჭოს ყველა ფრაქციის თავმჯდომარესთან.