მოძრაობა „ეროვნულების" ლიდერი სანდრო ბრეგაძე ინგა გრიგოლიას გადაცემაში დავით ფაცაციასა და ზვიად კუპრავას შორის მომხდარ ფიზიკურ დაპირისპირებას ეხმაურება და შინაგან საქმეთა სამინისტროს მიმართავს:

„დათო ფაცაციაზე ხელის აღმართვას არ გაპატიებთ ნაცებო!

შინაგან საქმეთა სამინისტროს- ბოლომდე დააფარეთ ხელი ნაცებს, ჩვენს რისხვას ვერ აცდებიან, შეგიძლიათ წინასწარ აღძრათ სისხლის სამართლის საქმე ჩემს წინააღმდეგ კორცხელის ბიჭების მსგავსად!"- წერს ბრეგაძე.

ინგა გრიგოლიას დღის ამბების დასრულების შემდეგ, გადაცემის სტუმრები ერთმანეთს ფიზიკურად დაუპირისპირდნენ.

დებატების დასრულების შემდეგ გადაცემის ერთ-ერთმა სტუმარმა ზვიად კუპრავამ, მეორე სტუმარს "თამაზ მეჭიაური ერთიანი საქართველო"-ს ლიდერს დავით ფაცაციას ფიზიკური შეურაცხყოფა მიაყენა.

დაპირისპირება სტუდიის გარეთ რამდენიმე წუთს გაგრძელდა.