ჩინეთის სამხედრო-საზღვაო ძალების კუთვნილი ავიამზიდის ჯგუფმა სამხრეთ ჩინეთის ზღვაში ყოველწლიური სწავლება ჩაატარა. აღნიშნულის შესახებ ჩინეთის სახალხო რესპუბლიკის თავდაცვის ძალებში მას შემდეგ განაცხადეს, რაც ოფიციალურმა პეკინმა აშშ ზემოხსენებულ სტრატეგიულ საზღვაო სივრცეში ხომალდების გაგზავნის გამო გააკრიტიკა.

ჩინური საზღვაო ძალების წარმომადგენლის, გაო შიუჩენის განცხადებით, მათ მიერ განხორციელებული წვრთნები იყო „სრულიად ლეგიტიმური“ და ემსახურებოდა როგორც ქვეყნის სუვერენიტეტისა და უსაფრთხოების დაცვას, ასევე რეგიონალური მშვიდობის შენარჩუნებას.