კულტურის პალატის პრეზიდენტმა დავით ოქიტაშვილმა ტელეკომპანია „პირველის" ეთერში განაცხადა, რომ „ქართული ოცნების" სიის ახალი წევრის გიორგი გახარიას დამსახურებაა კულტურის პალატის არსებობა.

„მე ამ ადამიანებიდან, ვინც წარადგინეს, ვიცნობ ოთხ მათგანს - გიორგი გახარიას, ირაკლი კობახიძეს, არჩილ თალაკვაძეს და მარიამ ჯაშს. ახლა ისეთ რაღაცას ვიტყვი, რომ შესაძლოა გიორგი გახარია, რომელიც გახლავთ ბიზნესომბუდსმენი, ძალიან გამინაწყენდეს. დღეს თუ არსებობს კულტურის პალატა, თუკი ვემსახურებით ქართულ კულტურას, ეს არის მისი დამსახურება. მიხარია, რომ მისი სახით პარლამენტში იქნება ადამიანი, რომელიც ქართულ კულტურას გაუწევს ლობირებას", - განაცხადა დავით ოქიტაშვილმა.