„ბათუმში აშშ-ის სანაპირო დაცვის ხომალდი „USCGC HAMILTON“ ვიზიტი აშშ-სა და საქართველოს შორის უსაფრთხოების სფეროში თანამშრომლობის განმტკიცებას ემსახურება და ხელს უწყობს რეგიონში მშვიდობასა და სტაბილურობას“, - ამის შესახებ აჭარის მთავრობის თავმჯდომარე, თორნიკე რიჟვაძე Facebook-ის ოფიციალურ გვერდზე წერს.

მისი თქმით, ვიზიტი ხაზს უსვამს ევრო-ატლანტიკური უსაფრთხოებისთვის შავი ზღვის მნიშვნელობას.

„USCGC HAMILTON“ ბათუმის ნავსადგურს პირველად სტუმრობს. ნავსადგურში შემოსვლამდე, ამერიკის შეერთებული შტატების სანაპირო დაცვის ხომალდსა და საქართველოს სანაპირო დაცვის ხომალდების - „დიოსკურიასა“ და „ოჩამჩირეს“ მონაწილეობით, საქართველოს ტერიტორიულ წყლებში, ერთობლივი საზღვაო წვრთნებიც გაიმართა“, - წერს თორნიკე რიჟვაძე.