საქართველოს გენერალურმა პროკურატურამ თბილისის საქალაქო სასამართლოს „ნაციონალური მოძრაობის“ თავმჯდომარისთვის, ნიკა მელიასთვის აღკვეთის ღონისძიების სახით შეფარდებული პატიმრობის შეცვლის შუამდგომლობით მიმართა.

ამის შესახებ ინფორმაცია საქართველოს პირველ არხს საგამოძიებო უწყებაში დაუდასტურეს.

ამ დროისთვის უცნობია, როდის გაიმართება სასამართლო პროცესი.

საქართველოში ევროკავშირის წარმომადგენლობის ინფორმაციით, ნიკა მელიას გირაოს თანხა, 40 ათასი ლარი გადახდილია.