ამ წუთებში საქართველოს პრეზიდენტის ხელმძღვანელობით, საქართველოს პრეზიდენტის სასახლეში, უშიშროების საბჭოს სხდომა მიმდინარეობს, რომელზეც თურქეთის რესპუბლიკაში მიმდინარე მოვლენები განიხილება.

სხდომას უშიშროების საბჭოს მდივანი ირინა იმერლიშვილი, საქართველოს პრემიერმინისტრი გიორგი კვირიკაშვილი, პარლამენტის თავმჯდომარე დავით უსუფაშვილი, შინაგან საქმეთა მინისტრი გიორგი მღებრიშვილი, სახელმწიფო უსაფრთხოების სამსახურის უფროსი ვახტანგ გომელაური და გენერალური შტაბის უფროსი გენერალ-მაიორი ვახტანგ კაპანაძე ესწრებიან.