„დღეს „აფხაზეთის დღე“ აღინიშნება. ვულოცავ სრულიად საქართველოს დღევანდელ დღეს, განსაკუთრებული სითბოთი მინდა მივულოცო აფხაზეთიდან დევნილ მოსახლეობას,“ - ამის შესახებ მმართველი გუნდის წევრი, პარლამენტის რეგიონული პოლიტიკისა და თვითმმართველობის კომიტეტის თავმჯდომარე, სოზარ სუბარი სოციალურ ქსელში წერს.

მისი თქმით, დარწმუნებულია მოვა ის დრო, როდესაც ამ დღეს სოხუმში ერთად ვიზეიმებთ.

„სრულიად საქართველოს კათოლიკოს-პატრიარქის, მცხეთა–თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ის ლოცვა-კურთხევით 23 მაისი, სვიმონ კანანელის ხსენების დღე „აფხაზეთის დღედ“ დადგინდა. ვულოცავ სრულიად საქართველოს დღევანდელ დღეს, განსაკუთრებული სითბოთი მინდა მივულოცო აფხაზეთიდან დევნილ მოსახლეობას! დარწმუნებული ვარ, მოვა ის დრო, როდესაც ამ დღეს სოხუმში ერთად ვიზეიმებთ“, - წერს სოზარ სუბარი.