ევროპული საბჭოს პრეზიდენტი, შარლ მიშელი სამოქალაქო ავიაციის საერთაშორისო ორგანიზაციას მინსკში Ryanair-ის თვითმფრინავის იძულებითი დაშვების გამოძიებისკენ მოუწოდებს. ამის შესახებ მიშელმა Twitter-ზე დაწერა.

„შეშფოთებული ვარ შეტყობინებებით მინსკში Ryanair-ის თვითმფრინავის იძულებითი დაშვების შესახებ. ბელარუსის მთავრობას მოვუწოდებთ დაუყოვნებლივ გაათავისუფლონ რეისი და ყველა მისი მგზავრი. მნიშვნელოვანია, რომ ინციდენტი ICAO-მ გამოიძიოს“, - წერს მიშელი.

მანამდე ცნობილი გახდა, რომ Ryanair-ის თვითმფრინავი, რომელიც ათენიდან ვილნიუსში რეისს ასრულებდა მინსკში ბორტზე ბომბის არსებობის შესახებ შეტყობინების გამო დაეშვა. მოგვიანებით გაირკვა, რომ ეს ინფორმაცია არ დადასტურდა. ამასთან, დაკავებულია რეისის ერთ-ერთი მგზავრი, ოპოზიციურად განწყობილი ჟურნალისტი, რომან პროტასევიჩი დააკავეს.

წყარო :