ბათუმში, აღმაშენებლის ქუჩაზე გაზის მილი დაზიანდა.

რამდენიმე წუთის განმავლობაში ჰაერში ბუნებრივი აირი იფრქვეოდა. ადგილზე მობილიზებულნი არიან „სოკარის“ წარმომადგენლები და დაწყებულია აღდგენითი სამუშაოები.

ამ დროისთვის ბუნებრივი აირი 500-მდე აბონენტს არ მიეწოდება.

წინასწარი ინფორმაციით, გაზის მილის დაზიანება სარემონტო სამუშაოებმა გამოიწვია, რომელსაც შპს „გზა“ აწარმოებს.