მომღერალი ზურა ხაჩიძე ნინოწმინდის ბავშვთა პანსიონატში განვითარებულ მოვლენებთან დაკავშირებით საპატრიარქოს მისამართით გაკეთებულ განცხადებებს ეხმაურება და სოციალურ ქსელში წერს, რომ ქვეყანაში ეკლესიის დაუფარავი დისკრედიტაცია ხორციელდება.

„მოკლედ, როგორ დაკორტნონ და ლაფში ამოსვარონ საპატრიარქო და წმინდა სინოდი, ერთმანეთს ასწრებენ ტელევიზიები, ზოგიერთი პოლიტიკური პარტიები, ათეისტები და უბრალოდ ეკლესიის მტრები.

ვერაფრით ვერ ეგუებიან მის რეიტინგს და ნდობას საზოგადოებაში.

ბევრჯერ მითქვამს და კიდევ განვმეორდები, რომ მიდის ეკლესიის დაუფარავი დისკრედიტაცია.

მინდა გირჩიოთ და შეგახსენოთ, რომ ვერც ერთ მტერს, რომელსაც გადაწყვეტილი ჰქონდა დედა ეკლესიის განადგურება, შერაცხვა, შებღალვა და კიდევ მრავალი მზაკვრობა, დაასრულეს სრული კრახით და სასჯელით. შეცდომები ყველგან ხდება და ამას არავინ არ უარყოფს და მიეცით საშუალება, მოახდინოს რეაგირება, ვისაც ეს ევალება.

ღმერთმა დალოცოს ჩვენი პატრიარქი და ყველა კეთილმსახური, მრევლი, ასევე მინდა გონება გაუხსნას იმ ადამიანებს, ვინც განიკითხავს პატიოსან სამღვდელოებას. ღმერთმა შეგინდოთ, ვინაიდან არ იცით, რას ჩადიხართ. ამინ“, - წერს ზურა ხაჩიძე.