ვერეს ხეობაში თბილისის მერიის კეთილმოწყობის საქალაქო სამსახურმა მიწისქვეშა გადასასვლელის, კიბეებისა და ტროტუარის მოწყობა დაასრულა. როგორც „სითი კვირას" კეთილმოწყობის საქალაქო სამსახურში განუცხადეს, რეაბილიტაციის ფარგლებში შეკეთდა გვირაბი. კერძოდ, იგი მოპირკეთდა და შეიღება, შეიცვალა განათების სისტემა. გარდა ამისა, დამონტაჟდა ახალი ფილები, მოეწყო ასფალტის ბილიკი, რომელიც ჩადის ამირეჯიბის ქუჩის გზიდან უშუალოდ გადასასვლელამდე.