უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა ნატოს წევრობას იმსახურებს.

„ჩვენ ნამდვილად ვიმსახურებთ ალიანსის წევრობას, თუ ალიანსი უკრაინას არა კულისებს მიღმა, არამედ ერთ მაგიდასთან ხედავს. პრეზიდენტი ბაიდენის მადლობელი ვარ. ჩვენ ამ თემაზე ღიად ვისაუბრეთ“, - აღნიშნა უკრაინის ლიდერმა.

14 ივნისს ნატოს სამიტის დეკლარაციაში ჩაიწერა, რომ ალიანსი კიდევ ერთხელ ადასტურებს ბუქარესტის სამიტზე მიღებულ გადაწყვეტილებას, რომ უკრაინა ალიანსის წევრი გახდება.

უკრაინის პრეზიდენტის განცხადებით, უკრაინა გააგრძელებს უსაფრთხოებისა და თავდაცვის სფეროში რეფორმების კურსს, რათა ნატოს წევრებთან თავსებადობის სტანდარტებს უფრო მეტად შეესაბამებოდეს.

„გლობალური უსაფრთხოების უზრუნველყოფაში უკრაინის როლი შესაბამისად უნდა შეფასდეს“, - განაცხადა უკრაინის პრეზიდენტმა.