„კიდევ ერთ პოლიტიკურ გვამს, ნუგზარ წიკლაურს უთქვამს, უფასო ყველი მხოლოდ სათაგურშიაო და ასეთი დაპირებებით იმარჯვებდა და იმარჯვებს „ქართული ოცნებაო!““, - ამის შესახებ  ნიკოლოზ მეტრეველი სოციალურ ქსელში წერს. ანალიტიკოსი აღნიშნავს, რომ ამავე ლოგიკის თანახმად, ახლა მიხეილ სააკაშვილი აშშ-ის პრეზიდენტი უნდა იყოს.

„არადა, მაგ ლოგიკით, რაც „ნაციონალურ მოძრაობას“ ტყუილი დაპირებები აქვს გაცემული, წესით მიხეილ სააკაშვილი უკვე საქართველოს კი არა ამერიკის  პრეზიდენტი უნდა  იყოს!

მაგალითისთვის, 2018 წლის საპრეზიდენტო არჩევნებზე თუ აწ უკვე მათი  პარტიიდან გაქცეული გრიგოლ ვაშაძე პრეზიდენტი გახდებოდა, პენსია 400 ლარი უნდა ყოფილიყო, როდესაც არსებული კონსტიტუციით პრეზიდენტის უფლება-მოვალეობებთან პენსიების ზრდა ოდნავაც ახლოს არ არის!“, - წერს მეტრეველი.