პარლამენტის კულტურის კომიტეტი „საავტორო და მომიჯნავე უფლების შესახებ“ საქართველოს კანონში არსებულ ნორმებს განიხილავს.

კულტურის კომიტეტის თავმჯდომარის პირველი მოადგილის, ირაკლი მეზურნიშვილის განცხადებით, მათთვის მნიშვნელოვანია ავტორთა უფლებების დაცვა და იმ ხარვეზების აღმოფხვრა, რომლებიც კულტურის სფეროსთანაა დაკავშირებული.

„ჩვენი მთავარი მიზანია, დავიცვათ ავტორების უფლებები და განვავითაროთ ინდუსტრია. ეს ორი ძალიან მნიშვნელოვანი მიმართულებაა. ყველაფერს გააკეთებს კულტურის კომიტეტი, რათა ხარვეზის არსებობის შემთვევაში ხარვეზი გამოსწორდეს“, - განაცხადა ირაკლი მეზურნიშვილმა.