საქართველოს პრემიერ-მინისტრი გიორგი კვირიკაშვილი და განათლების მინისტრი ალექსანდრე ჯეჯელავა თურქეთის კონსულის განცხადებაზე კომენტარს აკეთებენ.

„ამაზე გაკეთდა კომენტარები საგარეო საქმეთა სამინისტროს მხრიდან და მე მგონი, გაუგებრობა ამოწურულია",- განაცხადა გიორგი კვირიკაშვილმა.

განათლების მინისტრის განმარტებით, სკოლები არის უმეტეს შემთხვევაში აკრედიტებული საქართველოს კანონმდებლობით, ქართულ ენაზე მიდის სწავლება ადგილობრივი პროგრამების მიხედვით.

„შესაბამისად, არანაირად ინფორმაცია იმის შესახებ, რომ რამენაირად ტერორიზმთან ან სხვა სახის უკანონობასთან ჰქონდეს კავშირი ამ სკოლებს, აქამდე არ ყოფილა",- განაცხადა ალექსანდრე ჯეჯელავამ.