არაბთა გაერთიანებულ საამიროებში ვიზიტით მყოფმა ისრაელის საგარეო საქმეთა მინისტრმა, იაირ ლაპიდმა დუბაიში ისრაელის გენერალური საკონსულო ოფიციალურად გახსნა.
„ის, რასაც დღეს ვხსნით, არა მხოლოდ საკონსულო, არამედ ჩვენი თანამშრომლობის ცენტრიცაა. ეს არის ადგილი, რომელიც განასახიერებს ჩვენს შესაძლებლობას ერთად ვიფიქროთ, ერთად განვვითარდეთ და ერთად შევცვალოთ სამყარო“, - განაცხადა ისრაელის საგარეო საქმეთა მინისტრმა.