დღეიდან ქუთაისის აეროპორტში Wizz Air-ის ბაზა ბრუნდება და პირდაპირ რეისებს ექვსი მიმართულებით შეასრულებს. ეკონომიკის სამინისტროს ინფორმაციით, ევროპის ყველაზე მზარდი დაბალბიუჯეტური ავიაკომპანია საქართველოდან ევროპის მიმართულებით დამატებით რეისებს მილანის, პრაღის, ათენის, სალონიკის, ლარნაკისა და მემინგენის მიმართულებით შეასრულებს.

პირველ ეტაპზე, ეპიდსიტუაციიდან და ევროპის ქვეყნებში არსებული შეზღუდვებიდან გამომდინარე, ზაფხულის სანავიგაციო სეზონის ბოლომდე, მილანის, პრაღის, ათენის, სალონიკის, ლარნაკასა და მემინგენის მიმართულებით ქუთაისიდან პირდაპირი რეგულარული რეისები კვირაში ერთხელ შესრულდება.