აშშ-ის იუსტიციის დეპარტამენტმა ფედერალურ დონეზე სიკვდილით დასჯაზე დროებითი მორატორიუმი გამოაცხადა. ამის შესახებ აშშ-ის გენერალურმა პროკურორმა, მერიკ გარლენდმა განაცხადა.
„იუსტიციის დეპარტამენტმა უნდა უზრუნველყოს, რომ სასჯელაღსრულების სისტემაში ყველა იყოს უზრუნველყოფილი არა მხოლოდ შეერთებული შტატების კონსტიტუციითა და კანონებით გარანტირებული უფლებებით, არამედ სამართლიანი და ჰუმანური მოპყრობით“, - ნათქვამია განცხადებაში.
აშშ-ის გენერალურმა პროკურორმა, მერიკ გარლენდმა იუსტიციის დეპარტამენტს დაავალა, სიკვდილით დასჯის პრაქტიკას გადახედოს. განხილვის დასრულებამდე აშშ-ში ფედერალურ დონეზე სიკვდილით დასჯა არ განხორციელდება.