სომხეთში, გიუმრის ინფექციურ საავადმყოფოში 7 ადამიანი მოათავსეს, რომელთაც ჯილეხის სიმპტომები აღენიშნება. ინფორმაციას ამის შესახებ სომხური მედია ავრცელებს.

ცნობები შირაქის ოლქის ერთ-ერთ სოფელში ჯილეხზე ეჭვის შესახებ 30 ივნისს გაჩნდა. მაშინ ადგილობრივი ადმინისტრაციის ხელმძღვანელმა განაცხადა, რომ ადგილზე პირუტყვი დაიხოცა.

„სოფლის 7 მცხოვრები საავადმყოფოში გადაიყვანეს. ამ დროისთვის ახალი შემთხვევები არ არის”, - განაცხადა ადმინისტრაციის ხელმძღვანელმა არტავაზდ არსენიანმა.

მისი თქმით, პაციენტების მდგომარეობა ნორმალურია.

ჰოსპიტალიზებული ადამიანები დახოცილ პირუტყვს ატყავებდა და ხორცს ამუშავებდა.

წყარო :