Boeing 737-ის სატვირთო თვითმფრინავმა ჰონოლულუს (ჰავაის კუნძულები) სანაპიროსთან ავარიული დაშვება განახორციელა. ინფორმაციას ამის შესახებ ამერიკული მედია ავრცელებს.
აშშ-ის ფედერალურ საავიაციო ადმინისტრაციაში აცხადებენ, რომ აშშ-ის სანაპირო დაცვის სამსახურმა ეკიპაჟის ორივე წევრი გადაარჩინა.
„მფრინავებმა განაცხადეს, რომ ძრავის პრობლემები ჰქონდათ და ჰონოლულუში დაბრუნებას ცდილობდნენ, თუმცა იძულებულნი გახდნენ თვითმფრინავი წყალზე დაეშვათ“, - ნათქვამია უწყების განცხადებაში.