მარტვილის მუნიციპალიტეტის მერიის სხდომათა დარბაზში, სახალხო დამცველის აპარატის წარმომადგენლებმა, მუნიციპალიტეტის მერიის თანამშრომლებთან საინფორმაციო შეხვედრა გამართეს.

შეხვედრაზე, სახალხო დამცველის აპარატის თანასწორობის დეპარტამენტის წარმომადგენლებმა შეხვედრის მონაწილეებს თანასწორობის უფლების დაცვის კუთხით სახალხო დამცველის უფლებამოსილებებთან ერთად,  ანტიდისკრიმინაციულ კანონმდებლობაში განხორციელებული უახლესი ცვლილებები და ბოლო წლებში გამოკვეთილი ტენდენციები გააცნეს. ასევე, ყურადღება გამახვილდა  თვითმმართველი ორგანოების სოციალური და ჯანმრთელობის დაცვის პროგრამებისა და ახალი კორონავირუსის გავრცელების პრევენციის მიზნით განხორციელებული ღონისძიებების შესაბამისობაზე თანასწორობის პრინციპთან.

შეხვედრას მარტვილის მუნიციპალიტეტის მერი ალექსანდრე გრიგალავა თანამშრომლებთან ერთად ესწრებოდა.

შეხვედრა კორონავირუსთან დაკავშირებული რეგულაციების დაცვით ჩატარდა.