საპარლამენტო უმრავლესობის წევრი გურამ მაჭარაშვილი აცხადებს, რომ მათი მიზანია, საპარლამენტო ოპოზიცია მაქსიმალურად ჩაერთოს საერთო სახალხო განხილვებში საკონსტიტუციო ცვლილებებთან დაკავშირებით.

„პროცედურების შესაბამისად, ბიუროს სხდომის შემდეგ საპროცედურო კომიტეტი გადაამოწმებს ხელმოწერებს საკანონმდებლო ცვლილებებთან დაკავშირებით. ამის შემდეგ შეიქმნება კომისია, რომელიც საერთო სახალხო განხილვებს დაიწყებს“, - განაცხადა მაჭარაშვილმა.

8 ივლისიდან პარლამენტის კომიტეტები 2021 წლის საქართველოს სახელმწიფო ბიუჯეტში შესატან ცვლილებებს განიხილავენ.