პუბლიცისტი პაატა ქურდაძე სალომე ზურაბიშვილის შესახებ სოციალურ ქსელში წერს და აღნიშნავს, რომ სალომე ზურაბიშვილი პარლამენტს ძალიან სჭირდება.

„შეიძლება ვინმეს მოსწონდეს ან არ მოსწონდეს სალომე ზურაბიშვილი. მაგრამ ჩემი აზრით ძნელია უარყო, რომ საქართველოს პარლამენტს ის ძალიან, ძალიან სჭირდება და იმედი მაქვს გახდება კიდეც მისი წევრი."- წერს ქურდაძე.

სალომე ზურაბიშვილმა დღეს გამართულ პრესკონფერენციაზე განაცხადა, რომ საპარლამენტო არჩევნებში მთაწმინდაზე დამოუკიდებელ კანდიდატად იყრის კენჭის.

ზურაბიშვილმა ასევე აღნიშნა, რომ ის საქართველოს პრემიერ-მინისტრ გიორგი კვირიკაშვილს რამდენჯერმე შეხვდა და საპარლამენტო არჩევნებთან დაკავშირებით ჰქონდა კონსულტაციები.

„მინდა, საზოგდოებას ვაცნობო, რომ მივმართავ მთაწმინდის ოლქის საარჩევნო კომისიას დამოუკიდებელი კანდიდატურით. ის, რასაც ვაცხადებდი რამდენიმე კვირა და თვეა, რომ ვაპირებდი პოლიტიკურ პროცესებში ჩართვას და ფორმა ჯერ გადაწყვეტილი არ იყო, ფორმა არის ასეთი - დამოუკიდებელი კანდიდატურა. არც გაგიკვირდებათ და შეიძლება ბევrს გაუხარდეს", - განაცხადა  ზურაბიშვილმა.